3/18/2011 04:44:00 pm
shyam gupta
पिचकारी के तीर
लकुटि लिए सखियाँ खडीं,बदला आज चुकांय |
सुधि बुधि भूलें श्याम जब ले पिचकारी आँय ||
आज न मुरलीधर बचें , राधा मन मुसुकांय |
दौड़ी सुधि बुधि भूलकर, मुरली दई बजाय ||
भ्रकुटि तानि बरजै सुमुखि, मन ही मन ललचाय |
पिचकारी से श्याम की, तन मन सब रंगि जाय ||
रंग भरी पिचकारि ते, वे छोड़ें रंग धार |
वे घूंघट की ओट ते, करें नैन के वार ||
गोरे गोरे अंग पर, चटख चढ़े हैं रंग |
रंगीले आँचल उड़ें , जैसे नवल पतंग ||
भरि पिचकारी सखी पर, वे रंग-बान चलायं |
लौटें नैनन-बान भय , स्वयं सखा रंगि जायं ||
चेहरे सारे पुत गए, चढ़े सयाने रंग |
समझ नहींआवै कोई,को सजनी को कंत ||
लाल हरे पीले रंगे, रंगे अंग प्रत्यंग |
कज्जल-गिरि सी कामिनी,चढो न कोऊ रंग ||
भये लजीले श्याम दोऊ, गोरे गाल गुलाल |
गाल गुलाबी होगये, भयो गुलाल रंग लाल ||
भक्ति ज्ञान और प्रेम की मन में उठे उमंग |
कर्म भरी पिचकारि ते,रस भीजै अंग अंग ||
यह वर मुझको दीजिये, चतुर राधिका सोय |
होली खेलत श्याम संग, दर्शन श्याम को होय ||
होली ऐसी खेलिए, जरैं त्रिविधि संताप |
परमानंद प्रतीति हो, ह्रदय बसें प्रभु आप ||
Posted in: 
